លោកជំទាវ មាន សំអាន ដឹកនាំកិច្ចប្រជុំផ្ទៃក្នុងគណៈកម្មការទី៨ព្រឹទ្ធសភា
![](https://senate.gov.kh/wp-content/uploads/2024/07/photo_2024-07-22_07-17-29.jpg)
គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា
(គណៈកម្មការទី៨) បានរៀបចំកិច្ចប្រជុំផ្ទៃក្នុងគណៈកម្មការ ក្រោម អធិបតីភាពលោកជំទាវ មាន សំអាន ប្រធានគណៈកម្មការ ដើម្បីពិនិត្យពិភាក្សាលើរបៀបវារៈចំនួន៥រួមមាន៖
១-ផ្សព្វផ្សាយលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា កាលពីថ្ងៃពុធ ទី១៧ ខែកក្កដា ឆ្នាំ២០២៤។
២-បូកសរុបលទ្ធផលការងាររបស់គណៈកម្មការទី៨ ព្រឹទ្ធសភា ប្រចាំខែកក្កដា និងទិសដៅការងារបន្តប្រចាំខែសីហា ឆ្នាំ២០២៤។
៣-រាយការណ៍អំពីដំណើរការនៃការត្រៀមចុះបេសកកម្មរបស់គណៈកម្មការទី៨ ព្រឹទ្ធសភា នៅខេត្តព្រៃវែង និងខេត្តស្វាយរៀង។
៤-ការចូលរួមផ្តល់មតិយោបល់លើឯកសារសិក្សាស្រាវជ្រាវសម្រាប់ការចុះបេសកកម្មរបស់
គណៈកម្មការទី៨ព្រឹទ្ធសភា នៅខេត្តព្រៃវែង និងខេត្តស្វាយរៀង។
៥- ពិនិត្យពិភាក្សាការងារផ្សេងៗ…។
កិច្ចប្រជុំនេះប្រព្រឹត្តទៅនាព្រឹកថ្ងៃទី១៩ ខែកក្កដា ឆ្នាំ២០២៤ នៅសាលប្រជុំគណៈកម្មការទី៨ព្រឹទ្ធសភា ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកាគណៈកម្មការទី៨ព្រឹទ្ធសភា ព្រមទាំងមន្ត្រី ការិយាល័យជំនួយការគណៈកម្មការទី៨ព្រឹទ្ធសភា។
ប្រភព៖ នាយកដ្ឋានព័ត៌មាន