ឯកឧត្តម ប្រាក់ សុខុន ដឹកនាំគណៈប្រតិភូព្រឹទ្ធសភា គោរពវិញ្ញាណក្ខន្ធសពឪពុកបង្កើតអ្នកឧកញ៉ា ឈុន លាង និងអ្នកឧកញ៉ា សំ អាង
គណៈប្រតិភូព្រឹទ្ធសភា នៃព្រះរាជាណាចក្រកម្ពុជា ដឹកនាំដោយឯកឧត្តម ប្រាក់ សុខុន អនុប្រធានទី១ព្រឹទ្ធសភា តំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានអញ្ជើញគោរពវិញ្ញាណក្ខន្ធសពមហាសទ្ធាភិរក្ខញាណ ហ៊ី ឡាយ អគ្គមហាឧបាសកពុទ្ធសាសនូបត្ថម្ភក៍ ត្រូវជាឪពុកបង្កើតរបស់អ្នកឧកញ៉ា ឈុន លាង និងអ្នកឧកញ៉ា សំ អាង នៅផ្ទះលេខ១៩៩ មហាវិថីព្រះនរោត្តម សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ នាព្រឹកថ្ងៃចន្ទ ទី២២ ខែកក្កដា ឆ្នាំ២០២៤។
ក្នុងវេលាប្រកបដោយទុក្ខសោកនេះ ថ្នាក់ដឹកនាំ និងសមាជិក សមាជិកាព្រឹទ្ធសភា បានចូលរួមរំលែកទុក្ខដ៏ក្រៀមក្រំបំផុត ចំពោះការបាត់បង់ដ៏ធំធេងក្នុងគ្រួសាររបស់អ្នកឧកញ៉ា ដោយការបាត់បង់មហាសទ្ធាភិរក្ខញាណ ហ៊ី ឡាយ គឺជាការបាត់បង់ឪពុក ឪពុកក្មេក និងជីតា ជាទីគោរពស្រឡាញ់ដែលប្រកបទៅដោយព្រហ្មវិហារធម៌ដ៏ប្រពៃ។ ទោះបីរូបកាយរបស់មហាសទ្ធាភិរក្ខញាណ ហ៊ី ឡាយបាត់បង់ទៅក៏ពិតមែន ប៉ុន្តែអ្វីដែលបានបន្សល់ទុកនោះគឺ អំពើល្អជាកុសល កិត្តិយស និងសេចក្តីថ្លៃថ្នូរស្ថិតស្ថេរក្នុងសន្តានចិត្តកូន ចៅ និងញ្ញាតិមិត្តជិតឆ្ងាយទាំងអស់ជានិច្ចនិរន្តរ៍។
ថ្នាក់ដឹនាំ សមាជិក សមាជិកាព្រឹទ្ធសភា សូមចូលរួមឧទ្ទិសបួងសួងជូនដល់ដួងវិញ្ញាណក្ខន្ធរបស់មហាសទ្ធាភិរក្ខញាណ ហ៊ី ឡាយ បានទៅសោយសុខក្នុងសុគតិភព ជានិច្ចរៀងទៅ។
ប្រភព៖ នាយកដ្ឋានព័ត៌មាន
