នាថ្ងៃអាទិត្យ ទី២៨ ខែកក្កដា ឆ្នាំ២០២៤ វេលាម៉ោង៨ព្រឹក ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថានព្រឹទ្ធសភា (គណៈកម្មការទី៣) និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ បានប្រារព្ធពិធីខួបកំណើត និងពិធីបុណ្យឆ្លង សមិទ្ធផលនានារួមមាន ទីលានប្រណាំងរថយន្ត សួនសត្វ សមូហចេតិយ រូបសំណាកប្រាសាទព្រះវិហារ ទំនប់ទឹក ស្រះទឹក ហេដ្ឋារចនាសម្ព័ន្ធនានា ព្រមទាំងស្ថានីយឡូរីទី១ ទី២ និងផ្លូវឡូរីប្រវែង ៩២០០ម៉ែត្រ ស្ថិតក្នុងតំបន់រមណីយដ្ឋានអភិវឌ្ឍន៍កសិ-ទេសចរណ៍ ម៉ុង ឫទ្ធី សែន ជ័យ នៅភូមិសំរោងជេីងភ្នំ ឃុំសែនដី ស្រុកសំរោងទង ខេត្តកំពង់ស្ពឺ ដោយមានការអញ្ជេីញចូលរួមដោយ ឯកឧត្តម លោកជំទាវ សមាជិក សមាជិកាព្រឹទ្ធសភា ថ្នាក់ដឹកនាំខេត្តកំពង់ស្ពឺ បុគ្គលិក កម្មករ នៃក្រុមហ៊ុនម៉ុង ឫទ្ធី គ្រុប និងប្រជាពលរដ្ឋ។
