ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមជាអធិបតីកិត្តិយសក្នុងពិធីបើកការប្រកួតកីឡាទូកប្រពៃណីយខ្នាតអន្តរជាតិ “ទូកនាគ ទូកកានូ-ទូកកាយ៉ាក់ និងទូករ៉ូអ៊ុង”
ថ្ងៃទី៣ ខែសីហា ឆ្នាំ២០២៤ ឯកឧត្តម គឹម ធា លេខាធិការគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមជាអធិបតីកិត្តិយសក្នុងពិធីបើកការប្រកួតកីឡាទូកប្រពៃណីយខ្នាតអន្តរជាតិ “ទូកនាគ ទូកកានូ-ទូកកាយ៉ាក់ និងទូករ៉ូអ៊ុង” ដើម្បីជ្រើសរើសជើងឯកថ្នាក់ជាតិ “ពានរង្វាន់ឯកឧត្តមអភិសន្តិបណ្ឌិត ស សុខា” លើកទី១ ឆ្នាំ២០២៤ នៅទន្លេវ៉ៃគោ ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង ក្រោមអធិបតីភាពឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង និងឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ។ ពិធីនេះមានចំនួនទូក២៥ទូក និងចំណុះទូកប្រមាណ៤០០នាក់បាន អញ្ជើញមកពីបណ្តាខេត្តនិងអង្គភាពផ្សេងដែលប្រព្រឹត្តទៅរយៈពេលពីរថ្ងៃ(ថ្ងៃទី០៣ ដល់ថ្ងៃទី០៤ ខែសីហា ឆ្នាំ២០២៤)។
