ចាប់ពីថ្ងៃទី៧ ដល់ទី៩ ខែសីហា ឆ្នាំ២០២៤ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមជាមួយសមាគមនារីកម្ពុជា ដើម្បីសន្តិភាពនិងការអភិវឌ្ឍ រួមសហការជាមួយអនុសាខាកាកបាទកហរហមកម្ពុជាខណ្ឌទួលគោក ចុះជួបផ្ទាល់សួរសុខទុក្ខបងប្អូនប្រជាពលរដ្ឋចាស់ជរា ពិការមានជម្ងឺជួបការលំបាកខ្វះខាតជាក់ស្តែង ចំនួន៣៧គ្រួសារ រស់នៅក្នុងសង្កាត់ទាំង៧ ខណ្ឌទួលគោក រាជធានីភ្នំពេញ និង បានរួមគ្នាផ្តល់ជូន អង្ករ សរុប៧០០គីឡូក្រាម ថវិកា១ ១៧៥ ០០០ រៀល និងកន្សែងពោះគោ ៣៦កន្សែង ក្នុងមនោសញ្ចេតនាអាណិតស្រឡាញ់ជាក្រុមគ្រួសារតែមួយក្នុងបរិកាសស្និទ្ធស្នាលរីករាយក្រៃលែង។ ព្រមជាមួយនោះខ្ឯកឧត្តម ក៏បានសំណូមពរលោកចៅសង្កាត់ ជួយផ្សព្វផ្សាយលើកទឹកចិត្តឲ្យក្មួយៗ និងចៅៗជាយុវជន យុវនារីក្នុងគ្រួសារក្រីក្រ ក្នុងការរៀបចំបែបបទបានចូលរៀនក្នុងវគ្គ បណ្តុះបណ្តាលជំនាញវិជ្ជាជីវៈឲ្យបានច្រើនថែមទៀត ដើម្បីឈានទៅបង្កើនចំណូលក្នុងក្រុមគ្រួសារកាន់តែរីកចម្រើនឡើងបន្ថែមទៀត។
