ក្រុមសមាជិកព្រឹទ្ធសភាប្រចាំភូមិភាគទី៥ អញ្ជើញជួបសំណេះសំណាលជាមួយអាជ្ញាធរស្រុកត្រាំកក់ ខេត្តតាកែវ
![](https://senate.gov.kh/wp-content/uploads/2024/08/photo_2024-08-30_14-31-17.jpg)
ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម បានអញ្ជើញជួបសំណេះសំណាលជាមួយនឹងថ្នាក់ដឹកនាំស្រុក ក្រុមប្រឹក្សាឃុំ ស្មៀនឃុំ និងនាយប៉ុស្តិ៍នគរបាលរដ្ឋបាល នៃស្រុកត្រាំកក់ ខេត្តតាកែវ នៅសាលាស្រុកត្រាំកក់ខេត្តតាកែវ នាព្រឹកថ្ងៃទី៣០ ខែសីហា ឆ្នាំ២០២៤ ដោយមានអ្នកចូលរួមសរុបចំនួន៩០នាក់។
ពិធីសំណេះសំណាលនេះ រៀបចំឡើងក្នុងគោលបំណងសិក្សាឈ្វេងយល់អំពីការងារសំខាន់ៗ មួយចំនួនដូចខាងក្រោម៖
១-ការអនុវត្តគោលនយោបាយវិមជ្ឈការ និងវិសហមជ្ឈការនៅថ្នាក់ក្រោមជាតិ។
២-ការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព។
៣-ការអនុវត្តតួនាទីភារកិច្ចរបស់អាជ្ញាធរមូលដ្ឋាន ក្នុងការផ្តល់សេវាជូនប្រជាពលរដ្ឋ។
៤-ការងារអភិវឌ្ឍន៍នៅក្នុងមូលដ្ឋាន។
ជាពិសេស បញ្ហាប្រឈម និងសំណូមពរផ្សេងៗ។
ប្រភព៖ នាយកដ្ឋានព័ត៌មាន