ក្រុមសមាជិកព្រឹទ្ធសភា ប្រចាំភូមិភាគទី១ បានបន្តគោរពប្រតិបត្តដោយចិត្តជ្រះថ្លា រួមគ្នាកាន់បិណ្ឌវេនទី៤
រសៀលថ្ងៃសុក្រ ទី២០ ខៃកញ្ញាឆ្នាំ២០២៤ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ឌសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានបន្តគោរពប្រតិបត្តដោយចិត្តជ្រះថ្លា រួមគ្នាកាន់បិណ្ឌវេនថ្ងៃទី៤ ជាមួយសមាជិកសមាជិកាក្រុមប្រឹក្សាសង្កាត់ទឹកល្អក់ទី២និងលោកមេភូមិទាំង១៣ ព្រមទាំងលោកតាអាចារ្យលោកយាយជី ចំណុះជើងវត្តនាគវ័ន្តស្ថិតក្នុងខណ្ឌទួលគោករាជធានីភ្នំពេញរួមគ្នាថ្វាយគ្រឿងសក្ការបូជា ទៀនធូប នមស្ការព្រះរតនត្រ័យ សមាទានសីល ស្វាធ្យាយព្រះធម៌ចម្រើនព្រះបរិត្ត ទទួលពរជយន្តោ
ពុទ្ធជ័យមង្គល ស្តាប់ព្រះធម្មទេសនាប្រមូលផលបុណ្យដើម្បីឧទ្ទិសកុសលជូនដួងវិញ្ញាក្ខន្ធបុព្វបុរសជាតិ យុទ្ធជន យុទ្ធនារី ដែលបានពលីទៅកាន់លោកខាងមុខ និង សូមឧទ្ទិសបួងសួង ទេវតា វត្ថុស័ក្តិសិទ្ធិទិសទាំងប្រាំបី មេត្តា បីបាច់ថែរក្សាការពារព្រះរាជាណាចក្រកម្ពុជា ប្រជាជនកម្ពុជាបានរស់នៅសុខចម្រើនគ្រប់ប្រការ ក្រោមម្លប់នៃសុខសន្តិភាពពេញផ្ទៃប្រទេសឲ្យបានគង់វង្សយួរអង្វែងរាប់រយពាន់ឆ្នាំរហូតទៅ ។
