លោកជំទាវ មាន សំអាន ប្រធានគណ:កម្មការទី៨ព្រឹទ្ធសភា ព្រមទាំងក្រុមគ្រួសារ រួមជាមួយពុទ្ធបរិស័ទចំណុះជើងវត្ត បានអញ្ជើញចូលរួមក្នុងពិធីបុណ្យកាន់បិណ្ឌ វេនទី៤
នាព្រឹកថ្ងៃសៅរ៍ ៤រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២១ ខែកញ្ញា ឆ្នាំ២០២៤ លោកជំទាវ មាន សំអាន ប្រធានគណ:កម្មការទី៨ព្រឹទ្ធសភា ព្រមទាំងក្រុមគ្រួសារ រួមជាមួយពុទ្ធបរិស័ទចំណុះជើងវត្ត បានអញ្ជើញចូលរួមក្នុងពិធីបុណ្យកាន់បិណ្ឌ វេនទី៤ នៅវត្តបល្ល័ង្ករង្សី ហៅវត្តក្រាំងលាវ ក្នុងឃុំក្រាំងលាវ ស្រុករលាប្អៀរ ខេត្តកំពង់ឆ្នាំង។
នាឱកាសនោះដែរ លោកជំទាវ ព្រមទាំងក្រុមគ្រួសារ បាននាំយកចង្ហាន់ ទេយ្យទាន គ្រឿងបរិក្ខារ និងបច្ច័យ វេប្រគេនព្រះសង្ឃចំនួន ២៧អង្គ ដើម្បីឧទ្ទិសកុសលផលបុណ្យជូន បុព្វការីជនមានជីដូន ជីតា ញាតិការទាំង៧ សន្ដាន ព្រមទាំងវីរយុទ្ធជនយុទ្ធនារី អ្នកស្នេហាជាតិមាតុភូមិកម្ពុជា និងប្រជាជន ដែលបានពលី និងមរណៈកាលទៅកាន់លោកខាងមុខ សូមឱ្យវិញ្ញាណក្ខន្ធអស់លោកទាំងអស់នោះបានយោនយកកំណើតនៅក្នុងទីឋានសុគតិភពកុំបីភ្លៀងឃ្លាតឡើយ។
