នៅរសៀលថ្ងៃទី ២៣ ខែកញ្ញា ឆ្នាំ២០២៤
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគទី២ បានអញ្ជើញដឹកនាំបងប្អូនប្រជាពលរដ្ឋចំនួន២,១១៥នាក់ ប្រារព្ធពិធីរំឮកថ្ងៃកំណើតព្យាការីមូហាំម៉ាត់ នៅវិហារឥស្លាមភូមិរកា សង្កាត់សំបួរមាស ក្រុងកំពង់ចាម ខេត្តកំពង់ចាម។
ស្ថិតក្នុងពិធីនេះដែរ ឯកឧត្តម បានមានមតិបើកកម្មវិធីដូចច្នេះថា រាប់សិបឆ្នាំមកហើយដូនតារបស់យើងគឺបានប្រារព្ធពិធីនេះឡើងជារៀងរាល់ឆ្នាំ និងបន្សល់ទុកមកដល់យើងទាំងអស់គ្នានាពេលនេះ ។ ប៉ុន្តែជាអកុសល្យពិធីនេះគឺបានបិទរយៈពេល៤ឆ្នាំគឺឆ្នាំ១៩៧៥ដល់ឆ្នាំ១៩៧៩ ក្នុងរបបប្រល័យពូជសាសន៍ប៉ុន្តែក្រោយថ្ងៃរំដោះជាតិឲ្យមានសុខសន្តិភាពក្រោមការដឹកនាំដ៏ឈ្លាសវៃរបស់ សម្តេចតេជោ ប្រធានព្រឹទ្ធសភាមកពិធីនេះក៏ចាប់ផ្តើមរហូតមកដល់សព្វថ្ងៃនេះ ។ ជាការពិតណាស់គ្រប់សាសនាគឺតែងមានពិធីបែបសាសនារៀងៗខ្លួន ក៏ប៉ុន្តែបើប្រទេសគ្មានសន្តិភាពក៏យើងគ្មានឱកាសដូចពេលនេះដែរ ។ ដូច្នេះហើយយើងត្រូវសុំពរពីព្រះអល់ឡោះជាម្ចាស់សូមឲ្យថ្នាក់ដឹកនាំជាពិសេស សម្តេចតេជោ និងសម្តេចធិបតី ឲ្យមានសុខភាពល្អកម្លាំងកាយមាំមួន ឈ្លាសវៃដើម្បីដឹកនាំប្រទេសយើងឲ្យមានសន្តិភាពជារៀងរហូត។
ស្ថិតក្នុងពិធីនេះដែរ ឯកឧត្តម ក៏បានឧបត្ថមថវិកាចំនួន១០,០០០,០០០រៀលនិងថវិកា សប្បុរសជនក្នុងភូមិ និងក្រៅភូមិមួយចំនួនដើម្បីរៀបចំអារហារសាមគ្គីក្រោយបិទកម្មវិធី ។
