ថ្ងៃពុធ ៨រោច ខែភក្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែកញ្ញា ឆ្នាំ២០២៤ ឯកឧត្តម អ‍៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចំាភូមិភាគទី៧ បានអញ្ជើញចូលរួមពិធីកាត់ឬសសីមា ព្រះវិហារវត្តគំរាបរុក្ខារាម ស្ថិតនៅភូមិត្រពាំងចាន់ ឃុំត្រពាំងចាន់ ស្រុកបរិបូណ៌ ខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ សម្ដេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ជាព្រះរាជតំណាងដ៏ខ្ពង់ខ្ពស់ សម្ដេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដោយមានការនិមន្តចូលរួមពីព្រះមេគណខេត្ត អនុគណស្រុកព្រះមន្ត្រីសង្ឃ អញ្ជើញចូលរួមពី លោកអ្នកឧកញ៉ាមហាភក្ដី គង់ បញ្ញា ទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង ឯកឧត្តម លោកជំទាវ លោក លោកស្រី មន្ត្រីព្រះបរមរាជវាំង ឯកឧត្តម លោក ជំទាវ លោក លោកស្រី ក្រុមការងារថ្នាក់ជាតិចុះមូលដ្ឋានខេត្តកំពង់ឆ្នាំង មន្ត្រីរាជការដ្ឋបាលសាលាខេត្តកំពង់ឆ្នាំង រដ្ឋបាលសាលាក្រុង-ស្រុកទាំង៨ ប្រជាពុទ្ធបរិស័ទ លោកគ្រូ អ្នកគ្រូសិស្សានុសិស្សក្នុងស្រុកបរិបូណ៌យ៉ាងច្រើនកុះករ។