ព្រឹកថ្ងៃអង្គារ ១៤ រោចខែភក្របទឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១ ខែឧសភា ឆ្នាំ ២០២៤ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ និងក្រុមគ្រួសារ បានអញ្ជើញចូលរួមវេនកាន់បិណ្ឌទី១៤ ជាមួយពុទ្ធបរិស័ទដោយនាំយកនូវ សាដក គ្រឿងឧបភោគ បរិភោគ ចង្ហាន់ និងបច្ច័យទៅប្រគេនព្រះសង្ឃគង់ចាំព្រះវស្សានៅវត្តពោធិ៍សត្ថារាម ហៅវត្តពោធិ៍អណ្ដែត ស្ថិតក្នុងឃុំកំពង់ហាវ ស្រុកកំពង់លែង ខេត្តកំពង់ឆ្នាំង ជូនថវិកា១ចំនួនដល់លោកតា លោកយាយ កុមារាកុមារីក្នុងអង្គពិធី ព្រមទាំងបង្សុកូល ឧទ្ទិសកុសលផលបុណ្យជូនដល់បុព្វការីជនមាន មាតាបិតា ជីដូនជីតា ញាតិកាទាំង ៧ សន្ដានដែលបានលាចាកលោកទៅហើយ ព្រមទាំងឧទ្ទិសកុសលជូនដល់ ដួងវិញ្ញាណ ក្ខន្ធ វិរ:យុទ្ធជន យុទ្ធនារី លោកអ្នកស្នេហាជាតិ ដែលលោកបានពលីជីវិត ក្នុងបុព្វហេតុការពារជាតិមាតុភូមិ និងប្រជាជនកម្ពុជា សូមវិញ្ញាណក្ខន្ធអស់លោកទាំងអស់មកទទួលយកនូវមនុញ្ញផល ដែលបានប្រារព្ធធ្វើឡើងនៅរដូវកាលនេះ ដោយសូមឲ្យលោកទាំងអស់អន្ទោលចាប់កំណើតថ្មី នៅទីឋានបរមសុខកុំបីឃ្លៀងឃ្លាតឡើយ។