ក្រុមសមាជិកព្រឹទ្ធសភាប្រចាំភូមិភាគទី១ ប្រជុំផ្ទៃក្នុងក្រុម
នាព្រឹកថ្ងៃទី២៥ ខែធ្នូ ឆ្នាំ២០២៤ ក្រុមសមាជិកព្រឹទ្ធសភាប្រចាំភូមិភាគទី១ បានរៀបចំកិច្ចប្រជុំផ្ទៃក្នុង ក្រុមសមាជិកព្រឹទ្ធសភាប្រចាំភូមិភាគទី១ ដឹកនាំដោយ ឯកឧត្ត ម៉ាន់ ឈឿន អនុប្រធានក្រុមភូមិភាគទី១ លោកជំទាវ មុំ សណ្ដាប់ សមាជិកាក្រុមនិងឯកឧត្តម ឡោក ឆាយ អគ្គលេខាធិការរងព្រឹទ្ធសភា ដើម្បីពិភាក្សាការងារ និងរៀបចំឯកសារដឹកនាំក្រុមគ្រូពេទ្យចុះតាមមូលដ្ឋាន រួមមាន៖
១.ការកំណត់កាលបរិច្ឆេទ និងទីកន្លែងសម្រាប់ត្រៀមរៀបចំក្រុមគ្រូពេទ្យស្ម័គ្រចិត្តចុះពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃ តាមមូលដ្ឋាន ក្នុងរាជធានីភ្នំពេញ។
២.ពិនិត្យ និងពិភាក្សាលើផែនការប្រតិបត្តិប្រចាំឆ្នាំ២០២៥
៣.បញ្ហាផ្សេងៗ។
កិច្ចប្រជុំខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី៧ ព្រឹទ្ធសភា វេលាម៉ោង ០៨:៣០នាទី…។
ប្រភព៖ ការិយាល័យអមក្រុមភូមិភាគទី១។
