លោកជំទាវ ម៉ាណ ណាវី សមាជិកព្រឹទ្ធសភា បានអញ្ជើញជាអធិបតីក្នុងពិធីចែកអំណោយជូនកុមារកំព្រាចំនួន 320 នាក់ ដែលស្ថិតក្រោមការគ្រប់គ្រងរបស់អង្គការមូលនិធិពិភពលោកកុមារកំព្រាកម្ពុជា ដែលមានលោកស្រី ជីប នោស្នីជាប្រធាន។ អំណោយដែលបានចែកជូនរួមមានសម្លៀកបំពាក់ ស្បែកជើង និងរបស់ប្រើប្រាស់ផ្សេងៗទៀត ដែលជាអំណោយរបស់អង្គការ WAMY (World Assembly Muslim Youth) នៃប្រទេសអារ៉ាប៊ីសាអូឌីត។

ថ្លែងក្នុងពិធីនេះ «ក្មួយៗត្រូវចេះរស់ក្នុងស្ថានភាពលំបាក មីងយល់ពីភាពខ្វះខាត ទុក្ខលំបាក និងការខ្វះភាពកក់ក្ដៅពីឪពុកម្ដាយ ហើយក្មួយនឹងកាន់តែលំបាកប្រសិនបើក្មួយបោះបង់ខ្លួនឯង។ មីងជឿជាក់ថាពន្លឺនៅតែមានសម្រាប់ក្មួយ ដរាបណាក្មួយមិនបោះបង់ ក្មួយត្រូវជឿជាក់លើខ្លួនឯង ព្យាយាមធ្វើហើយធ្វើរហូតទទួលបានជោគជ័យ ក្មួយត្រូវខិតខំប្រឹងប្រែងរៀនសូត្រព្រោះមានតែចំណេះដឹងប៉ុនណ្នោះ ដែលជាស្ពាននាំក្មួយឲ្យឆ្លងផុតពីភាពលំបាកទាំងនេះ»។

ពិធីខាងលើក៏មានការអញ្ជើញចូលរួមដោយ ឯកឧត្ដម ម៉ូត យូសុះ តំណាងរាស្រ្តខេត្តត្បូងឃ្មុំ និង ឯកឧត្ដម ម៉ាត់ ហ្គោហ្វូត អភិបាលរង ខេត្ត ត្បូង ឃ្មុំនិងគណៈអុីមាំខេត្តផងដែរ ដែលប្រព្រឹត្តទៅនៅភូមិថ្មី ឃុំពពេល ស្រុកពញាក្រែក ខេត្ត ត្បូងឃ្មុំ។