នាព្រឹក ថ្ងៃសុក្រ ទី១៧ ខែមករា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងលោកជំទាវ រួមជាមួយ ឯកឧត្តម ឈួន ឆាម អនុប្រធានគណៈកម្មការទី៣ព្រឹទ្ធសភា ឯកឧត្តម លេង វី លេខាធិការគណៈកម្មការទី៣ព្រឹទ្ធសភា ឯកឧត្តមកិត្តិសេដ្ឋាបណ្ឌិត ជា ជេដ្ឋ ទីប្រឹក្សាសម្តេចតេជោប្រធានព្រឹទ្ធសភានិងលោកជំទាវ ព្រមទាំងកូនចៅបាននាំយកទេយ្យទាន ដូចជាអង្ករ ទឹកស៊ីអ៉ីវ ទឹកត្រី ត្រីខ មី ទឹកផ្លែឈើ ផ្លែឈើស្រស់ ទឹកបរិសុទ្ធ រួមនឹងបច្ច័យសម្រាប់កសាងវត្តចំនួន1,500ដុល្លារ និង 3,000,000រៀល។ ព្រមទាំងបានប្រគេនបច្ច័យព្រះសង្ឃក្នុងមួយអង្គ១០មុឺនរៀលសរុបចំនួន៣៤អង្គស្មេីនឹង ៣,៤០០,០០០រៀល ដូនជី តាជី លោកគ្រូ អ្នកគ្រូ ចំនួន២០នាក់ ជូនថវិការ១០មុឺនរៀលក្នុងមួយនាក់ស្មេីនឹង២,០០០,០០០រៀល សរុបថវិកា1,500ដុល្លារនិង៨,៥០០,០០០រៀល យកមកប្រគេនព្រះសង្ឃដែលគង់ចាំព្រះវស្សាក្នុងវត្តខេមររាជការាម (ហៅបាក់ណាម) ព្រំប្រទល់កម្ពុជា វៀតណាម ដែលមានទីតាំងស្ថិតនៅក្នុងសង្កាត់ព្រែកជ្រៃ ក្រុងសំពៅពូន ខេត្តកណ្ដាល ។
