នាព្រឹកថ្ងៃសុក្រ ទី១៤ ខែកុម្ភៈ ឆ្នាំ២០២៥ ក្រុមសមាជិកព្រឹទ្ធសភាប្រចាំភូមិភាគទី៨ រួមមាន៖ ខេត្តកំពង់ធំ ព្រះវិហារ ក្រចេះ ស្ទឹងត្រែង រតនគិរី និងខេត្តមណ្ឌលគិរី ដឹកនាំដោយឯកឧត្តមបណ្ឌិត នាង ផាត ប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញជួបសំណេះសំណាលជាមួយនឹងថ្នាក់ដឹកនាំខេត្ត ក្រុមប្រឹក្សាស្រុក ឃុំ សង្កាត់ទូទាំងខេត្តស្ទឹងត្រែង នៅសាលប្រជុំសាលាខេត្តស្ទឹងត្រែង ដោយមានការចូលរួមពី ក្រុមប្រឹក្សាខេត្ត អភិបាល នៃគណៈអភិបាលខេត្ត សមាជិក សមាជិកាក្រុមប្រឹក្សាស្រុក ឃុំ សង្កាត់ ទូទាំងខេត្តស្ទឹងត្រែង ចំនួន២១៤នាក់។
ពិធីសំណេះសំណាលដែលរៀបចំឡើងនាពេលនេះ ដើម្បីប្រមូលនូវបញ្ហាប្រឈម និងសំណូមពររបស់ក្រុមប្រឹក្សាឃុំ សង្កាត់ ដាក់ជូនដល់អាជ្ញាធរមានសមត្ថកិច្ច មន្ទីរជំនាញពាក់ព័ន្ធ ដើម្បីរិះរកដំណោះស្រាយ នៅក្នុងដែនសមត្ថកិច្ចរបស់ខ្លួន ព្រមទាំងផ្តោតលើបញ្ហាសំខាន់ៗមួយចំនួន ដែលរួមមាន៖ គោលនយោបាយភូមិ ឃុំ សង្កាត់មានសុវត្ថិភាព ការងារអត្តសញ្ញាណកម្ម និងអត្រានុកូលដ្ឋាន ការងារលទ្ធកម្មមូលដ្ឋាន ការវិភាជន៍ថវិកា ការអភិវឌ្ឍហេដ្ឋារចនាសម្ព័ន្ធមូលដ្ឋាន ការងារកសិកម្ម និងការដោះស្រាយទំនាស់ក្រៅប្រព័ន្ធតុលាការជាដើម ព្រមទាំងផ្សារភ្ជាប់ប្រាស្រ័យទាក់ទងឱ្យកាន់តែជិតស្និទ្ធ រវាងសមាជិក សមាជិកាក្រុមប្រឹក្សាឃុំ សង្កាត់ជាមួយសមាជិកព្រឹទ្ធសភា នឹងចូលរួមដោះស្រាយ ឬនាំយកយោបល់ សំណូមពរ និងបញ្ហាប្រឈមនានារបស់ក្រុមប្រឹក្សាឃុំ សង្កាត់…។

ប្រភព៖ នាយកដ្ឋានព័ត៌មាន