នៅព្រឹកថ្ងៃទី ២៤ ខែកុម្ភៈ ឆ្នាំ២០២៥ ឯកឧត្តម ស្លេះ ពុនយ៉ាមុីន សមាជិកព្រឹទ្ធសភា តំណាងដ៏ខ្ពង់ខ្ពស់ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគ២ បានអញ្ជើញចុះពិនិត្យ និងនាំយកជំនួយថវិកាចំនួន២០,០០០ដុល្លារ ជូនដល់គណ:កម្មការហាកឹម ភូមិពោនបុសកន្ទួត ឃុំទួលសំបួរ ស្រុកស្ទឹងត្រង់ ខេត្តកំពង់ចាម ដើម្បីរៀបចំបើកការដ្ឋានសាងសង់វិហារថ្មីជូនបងប្អូនសាសនិកឥស្លាម ។
ឆ្លៀតក្នុងឱកាសនោះ ឯកឧត្តមក៏បានពាំនាំនូវការផ្តាំផ្ញើសួរសុខទុក្ខពីសំណាក់សម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ជូនដល់បងប្អូនសាសនិកឥស្លាមទាំងអស់។
សូមបញ្ជាក់ជូនថា ជំនួយនេះទទួលបានតាមរយ:ក្រុមសមាជិកព្រឹទ្ធសភាប្រចាំភូមិភាគ២ (ខេត្តកំពង់ចាម និងត្បូងឃ្មុំ) ក្រោមការសម្របសម្រួលរបស់ឯកឧត្តម ស្លេះ ពុនយ៉ាម៉ីន។ បន្ថែមលើសពីនេះ ឯកឧត្តម ស្លេះ ពុនយ៉ាមុីន ក៏បានឧបត្ថម្ភថវិកាជូនក្រុមការងារស.ស.យ.ក ចំនួន៨០០,០០០រៀល, ជូនលោកមេឃុំចំនួន ២០០,០០០រៀល ជូនក្រុមប្រជាការពារចំនួន១០នាក់ ៣០០,០០០រៀល, ជូនកុមារកំព្រាចំនួន៧នាក់ ២០០,០០០រៀល និងជូនកុមារពិការភាព ២០០,០០០រៀល ដែលសរុបថវិកាមានចំនួន ១,៧០០,០០០រៀល។
