សាស្រ្តាចារ្យ ព្រះសង្ឃ និងនិស្សិត នៃសាកលវិទ្យាល័យ អាសុី អឺរ៉ុប ចំនួន១០០នាក់ បានអញ្ជើញមកបំពេញទស្សនកិច្ចសិក្សាឈ្វេងយល់អំពី ព្រឹទ្ធសភានៃព្រះរាជាណាចក្រកម្ពុជា នាព្រឹកថ្ងៃពុធ ទី២៦ ខែមីនា ឆ្នាំ២០២៥ នៅវិមានព្រឹទ្ធសភា ។
ក្នុងឱកាសនោះ សាស្រ្តាចារ្យ ព្រះសង្ឃ និងនិស្សិត បានអញ្ជើញស្តាប់ការធ្វើបទបង្ហាញរបស់ ឯកឧត្តម ម៉ម
ប៊ុននាង ប្រធានគណៈកម្មការទី១០ព្រឹទ្ធសភា ស្តីពីរចនាសម្ព័ន្ធ តួនាទី ភារកិច្ចរបស់ព្រឹទ្ធសភា និងសាវតារបស់ព្រឹទ្ធសភា ព្រមទាំងចែករំលែកនូវបទពិសោធន៍មួយចំនួនផងដែរ នៅសាល
សិក្ខាសាលាខាងជើង វិមានព្រឹទ្ធសភា។
បន្ទាប់ពីបានស្តាប់បទបង្ហាញរួចមក សាស្រ្តាចារ្យ ព្រះសង្ឃនិងនិស្សិត បានបន្តទស្សនាសាលប្រជុំព្រឹទ្ធសភា និងអគារប្រវត្តិសាស្រ្តនានា នៅក្នុងបរិវេណព្រឹទ្ធសភា…។
ប្រភព៖ នាយកដ្ឋានព័ត៌មាន
