ឯកឧត្តម លី សារី អញ្ជើញចុះជួបសំណេះសំណាល ព្រមទាំងចូលរួមរំលែកមរណទុក្ខនិងគោរពវិញ្ញាណក្ខន្ធសពប្រជាពលរដ្ឋចំនួន២ នាក់ដាច់ដោយឡែកពីគ្នារ នៅខេត្តកំពត
នាព្រឹកថ្ងៃទី២៥ ខែមេសា ឆ្នាំ២០២៥ ឯកឧត្តម លី សារី សមាជិកគណៈកម្មការទី១ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះជួបសំណេះសំណាលព្រម ទាំងចូលរួមរំលែកមរណទុក្ខនិងគោរពវិញ្ញាណក្ខន្ធសពប្រជាពលរដ្ឋចំនួន២ នាក់ដាច់ដោយឡែកពីគ្នារ ស្ថិតនៅក្នុងភូមិទទឹងថ្ងៃ សង្កាត់បឹងទូក ក្រុងបូកគោខេត្តកំពត និងនៅក្នុងភូមិត្រពាំងធំ ឃុំត្រពាំងសង្កែ ស្រុកទឹកឈូ ខេត្តកំពត
ដោយមានការចូលរួមពីសំណាក់ថ្នាក់ដឹកនាំខ្មែរឥស្លាម ថ្នាក់ខេត្ត ក្រុង ស្រុកចៅសង្កាត់ សមាជិកក្រុមប្រឹក្សាឃុំសង្កាត់ គ្រូបង្រៀនខ្មែរឥស្លាម ថ្នាក់ដឹកនាំតាមវិហារឥស្លាមនិងប្រជាពលរដ្ឋយ៉ាងច្រើនកុះករ។ បន្ទាប់មកឯកឧត្ដម បានជួបពិភាក្សាការងារមួយចំនួនជាចៅសង្កាត់ស្តីពីការអនុវត្តគោលនយោបាយភូមិឃុំសង្កាត់មានសុវត្ថិភាពនិងការផ្តល់សេវាសាធារណៈជូនប្រជាពលរដ្ឋ។
ប្រភពការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
