ឯកឧត្តម ឡោក ឆាយ អញ្ជើញបិទវគ្គបណ្តុះបណ្តាលស្តីពី បច្ចេកទេសផលិតព័ត៌មាន
=======
នាព្រឹកថ្ងៃចន្ទ ទី០១ ខែកុម្ភៈ ឆ្នាំ២០២១ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពី “បច្ចេកទេសផលិតព័ត៌មាន” នៅសាលសិក្ខាសាលាខាងជើងវិមានព្រឹទ្ធសភា។
វគ្គបណ្តុះបណ្តាលនេះ មានសិក្ខាកាមចូលរួមសរុបចំនួន២៩នាក់ មកពីនាយកដ្ឋានព័ត៌មាន លេខាធិការដ្ឋានអមគណៈកម្មការទាំង១០ព្រឹទ្ធសភា និងលេខាធិការដ្ឋានអ្នកនាំពាក្យព្រឹទ្ធសភា សិក្សារយៈពេល ៤ពេល ចាប់ពីថ្ងៃទី២៦ ដល់ថ្ងៃទី២៩ ខែមករា ឆ្នាំ២០២១ ឧទ្ទេសនាមដោយលោក គី សុខលីម ស្ថាបនិកសារព័ត៌មានថ្មី ថ្មី និងលោក Pierre Gillette សាស្រ្តាចារ្យសារព័ត៌មាន និងក្រុមការងារសារព័ត៌មានថ្មី ថ្មី ដោយផ្តោតសំខាន់លើ៖
១.បច្ចេកទេសចាប់ ឬស្វែងរកមុំ (ប្រធានបទ)
២.បច្ចេកទេសសរសេរព័ត៌មានខ្លី ឬវែង
៣.បច្ចេកទេសអានព័ត៌មាន
៤.បច្ចេក ទេសផលិតព័ត៌មានវីដេអូដោយប្រើទូរសព្ទដៃ។
