លោកជំទាវ មាន សំអាន ឯកឧត្តម ឈួន ឡេង និងលោកជំទាវ ឃួន ឃុនឌី អញ្ជើញចូលរួមពិធីបុណ្យគម្រប់ខួប៧ថ្ងៃ ភរិយាកងទ័ពបម្រើការងារនៅកងពលលេខ៩នៅខេត្តព្រះវិហារ ដែលមានទីលំនៅភូមិកន្សោមអក ឃុំកន្សោមអក ស្រុកកំពង់ត្របែក ខេត្តព្រៃវែង
នាព្រឹកថ្ងៃសុក្រ ទី៦ ខែមិថុនា ឆ្នាំ២០២៥ លោកជំទាវ មាន សំអាន ប្រធានក្រុមសមាជិកព្រឹទ្ធសភាប្រចាំភូមិភាគទី៦ និងជាអនុប្រធានសមាគមនារីកម្ពុជាដើម្បីសន្តិភាពនិងអភិវឌ្ឍន៍ ឯកឧត្តម ឈួន ឡេង លេខាធិការ និងលោកជំទាវ ឃួន ឃុនឌី លេខាធិការក្រុមសមាជិកា បានអញ្ជើញចូលរួមរំលែកទុក្ខ និងចូលរួមបុណ្យគម្រប់៧ថ្ងៃភរិយាលោកអនុសេនីយ៍ត្រី គឹម សារិ ដែលជាកងទ័ពបម្រើការងារនៅកងពលលេខ៩នៅខេត្តព្រះវិហារ។
ពិធីបុណ្យខួបគម្រប់៧ថ្ងៃ ត្រូវបានរៀបចំនៅភូមិកន្សោមអក ឃុំកន្សោមអក ស្រុកកំពង់ត្របែក ខេត្តព្រៃវែង។
ទន្ទឹមនឹងនេះ លោកជំទាវបាននាំយកថវិការបស់ក្រុមសមាជិកព្រឹទ្ធសភាប្រចាំភូមិភាគទី៦ ចំនួន១លានរៀល និងថវិកាសមាគមនារី ចំនួន១លានរៀល ដើម្បីចូលបច្ច័យផងដែរ។
