នាព្រឹកថ្ងៃសុក្រ ទី១៨ ខែកក្កដា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ និងលោកជំទាវ ម៉ែន ស៊ុន ម៉ុង ឫទ្ធី បានអញ្ជេីញសំណេះសំណាលសួរសុខទុក្ខ និងស្តាប់បញ្ហាប្រឈមនានារបស់អាជ្ញាធរមូលដ្ឋាន ឃុំ និងប្រធានភូមិទាំងអស់នៅក្នុងឃុំតានៃ ស្រុកព្រៃនប់ ខេត្តព្រះសីហនុ។
នាឱកាសនោះ ឯកឧត្តមបណ្ឌិត បានឧបត្ថម្ភថវិកាផ្ទាល់ខ្លួនសរុបចំនួន២,៥០០,០០០រៀលជូនដល់អ្នកចូលរួម ព្រមទាំងជូនពួកគាត់ទៅទស្សនាចំការដូងក្រអូប នៅមាត់សមុទ្រកំពង់តាឡេវ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
