នាព្រឹកថ្ងៃពុធ ទី៣០ ខែកក្កដា ឆ្នាំ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចូលរួមចុះសួរសុខទុក្ខ និងចែកអំណោយជូនដល់ប្រជាពលរដ្ឋភៀសសឹក និងភៀសខ្លួនមកស្នាក់នៅក្នុងស្រុកមង្គលបូរី ខេត្តបន្ទាយមានជ័យ ចំនួន៦០០គ្រួសារ ធ្វើនៅទីតាំងផ្សារបូរីជ័យចំការតាដោក ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ក្រោមអធិបតីភាពឯកឧត្ដម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។ពិធីនេះក៏មានការអញ្ជើញចូលរួមដោយ ឯកឧត្ដម ប្លែក វារី ប្រធានក្រុមប្រឹក្សាខេត្ត ឯកឧត្ដម អ៊ុ រាត្រី អភិបាលខេត្ត នៃគណៈអភិបាលខេត្ត និងឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ ក្រុមការងារថ្នាក់ជាតិចុះជួយមូលដ្ឋានខេត្តបន្ទាយមានជ័យ។ នាឱកាសនោះ ឯកឧត្ដមបានបន្តចុះជួបលើកទឹកចិត្តដល់ប្រជាពលរដ្ឋនៅជួរក្រោយដែលរួមគ្នាវេចអន្សមសន្តិភាព នៅវត្តរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ ជូនដល់វរៈកងទ័ពជួរមុខ និងជនភៀសសឹកផងដែរ។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
