នាព្រឹកថ្ងៃទី៥ ខែសីហា ឆ្នាំ២០២៥ ឯកឧត្តម ស្លេះ ពុនយ៉ាម៉ីន សមាជិកក្រុមសមាជិកព្រឹទ្ធសភាប្រចាំភូមិភាគទី២ និងជាអនុប្រធាន ស.ស.យ.ក ខេត្តកំពង់ចាម បានអញ្ជើញចុះសួរសុខទុក្ខ និងសំណេះសំណាលជាមួយលោកគ្រូ អ្នកគ្រូខ្មែរអ៉ិស្លាមនៃអនុវិទ្យាល័យ សម្តេចតេជោ ហ៊ុនសែន នៀកម៉ះ នៅភូមិរការក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម។
ឆ្លៀតក្នុងឱកាសនេះដែរ ឯកឧត្តមបានមានប្រសាសន៍រំឮកដល់លោកគ្រូ អ្នកគ្រូទាំងអស់គ្នាថា ក្នុងនាមយើងជាប្រជាជនខ្មែរគ្រប់រូប អ្វីដែរយើងត្រូវធ្វើនៅពេលនេះគឺជឿជាក់លើប្រមុខថ្នាក់ដឹកនាំ រាជរដ្ឋាភិបាលកម្ពុជាដែលមានសម្តេចតេជោប្រធានព្រឹទ្ធសភា នាយឧត្តមសេនីយ៍ផុតលេខផ្កាយមាស៥ និងសម្តចបវរធិបតីនាយករដ្ឋមន្ត្រី ដែលកំពុងដោះស្រាយបញ្ហាដោយសន្តិវិធី ហើយក៏កំពុងបញ្ជាទ័ពប្រឆាំងនឹងការឈ្លានពានរបស់ថៃ។ យើងនៅទីនេះមានតែសុំពរពីព្រះអល់ឡោះជាម្ចាស់មេត្តាផ្តល់នូវសុវត្ថិភាព និងជោគជ័យជូនចំពោះកងទព័ ក្នុងការការពារទឹកដីរបស់យើង។
នាឱកាសនោះផងដែរ ឯកឧត្តមបានឧបត្ថម្ភថវិកាផ្ទាល់ខ្លួនដល់លោកគ្រូ អ្នកគ្រូសរុបចំនួន២២នាក់ ដោយម្នាក់ៗទទួលបានប្រាក់ឧបត្ថម្ភ១០ម៉ឺនរៀល និងគ្រូបណ្តែតចំនួន១១នាក់ ក្នុងម្នាក់ៗទទួលបានប្រាក់ឧបត្ថម្ភចំនួន១៥ម៉ឺនរៀល សរុបទាំងអស់ចំនួន ២,៧៥០,០០០រៀល។
ប្រភព៖ ជំនួយការឯកឧត្តម ស្លេះ ពុនយ៉ាមុីន
