នាព្រឹកថ្ងៃពុធ ទី៦ ខែសីហា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណកម្មការទី៣ព្រឹទ្ធសភា និងជាប្រធានកិត្តិយសមូលនិធិជួយវីរកងទ័ព និងជនភៀសសឹក និងលោកជំទាវ ម៉ែន ស៊ុន ម៉ុង ឫទ្ធី ព្រមទាំងកូនចៅ និងឯកឧត្តម ឈួន ឆាម អនុប្រធានគណៈកម្មការទី៣ព្រឹទ្ធសភា បានអញ្ជើញនាំយកអំណោយទៅប្រគល់ជូនប្រជាពលរដ្ឋភៀសសឹកមកពីខេត្តឧត្តរមានជ័យ សរុបចំនួន២០៥គ្រួសារ ដោយក្នុងមួយគ្រួសារទទួលបាន៖
-អង្កចំនួន ២៥គីឡូក្រាម
-មីចំនួន ១កេស
-គល់ស្លាបមាន់ចំនួន ១គីឡូក្រាម
-ត្រីខកំប៉ុងចំនួន ១យួរ
-សាច់ក្រកអស្ចារ្យចំនួន ១គីឡូក្រាម
-ប្រហុកលីងចំនួន ១កែវ
-ផ្អកសាច់ជ្រូកចំនួន ២កែវ
-សាច់ជ្រូកប្រឡាក់ចំនួន ១គីឡូក្រាម
-កាពិលីងចំនួន ២កែវ
-ខោអាវ ចំនួន ១ឈុត
-ថវិកាចំនួន ៥០,០០០៛
ព្រមទាំងបានប្រគេនបច្ច័យដល់ព្រះសង្ឃចំនួន ១,០០០,០០០៛ និងជូនគណៈកម្មាធិការគ្រប់គ្រងជនភៀសសឹកចំនួន ៥០០,០០០៛។
ពិធីប្រគល់អំណោយនេះប្រព្រឹត្តទៅនៅវត្តព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
