នាព្រឹកថ្ងៃទី៩ ខែសីហា ឆ្នាំ២០២៥ នៅសាលាស្រុកជើងព្រៃ ខេត្តកំពង់ចាម លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ព្រឹទ្ធសភា និងឯកឧត្តមបណ្ឌិត ម៉ា ឈឿន អ្នកតំណាងរាស្រ្តមណ្ឌលកំពង់ចាម បានអញ្ជើញចុះសួរសុខទុក្ខ និងប្រគល់អំណោយជូនប្រជាពលរដ្ឋភៀសសឹកចំនួន១៤គ្រួសារ មកពីខេត្តព្រះវិហារ បន្ទាយមានជ័យ និងខេត្តឧត្តរមានជ័យ។
សម្ភារ និងថវិកាទាំងនេះជាអំណោយដ៏ថ្លៃថ្លារបស់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងមានការចូលរួមពី លោកជំទាវបណ្ឌិត និងឯកឧត្តមបណ្ឌិត និងរដ្ឋបាលស្រុកជេីងព្រៃ ផងដែរ។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
