នាព្រឹកថ្ងៃទី២៥ ខែសីហា ឆ្នាំ២០២៥ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ព្រឹទ្ធសភា តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញក្រាបថ្វាយបង្គំ នាំយកទេយ្យវត្ថុ និងបច្ច័យថ្វាយជូនសម្ដេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះមហាសង្ឃរាជស្ដីទីនៃគណៈមហានិកាយ នៃព្រះរាជាណាចក្រកម្ពុជា ព្រះចៅអធិការវត្តបទុមវតីរាជវរារាម នៅវត្តបទុមវតីរាជវរារាម (វត្តបទុមវតី) រាជធានីភ្នំពេញ។
ចំពោះទេយ្យវត្ថុ និងបច្ច័យថ្វាយជូនសម្តេច នាពេលនេះរួមមាន៖ ផ្លែឈើ ទឹកត្រជៀកកាំ ទឹកដោះគោ ទឹកសុទ្ធ ត្រីងៀត និងបច្ច័យចំនួន១០លានរៀល។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
