ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានដឹកនាំកិច្ចប្រជុំប្រចាំខែសីហា និងកំណត់ទិសដៅការងារបន្ត ដោយមានការចូលរួមពីថ្នាក់ដឹកនាំខុទ្ទកាល័យ មន្ត្រីខុទ្ទកាល័យ និងទីប្រឹក្សា។  ឯកឧត្តមបណ្ឌិត បានជំរុញការងារស្រាវជ្រាវលើប្រធានបទសំខាន់ៗដូចជា សេដ្ឋកិច្ចសាមគ្គី សេដ្ឋកិច្ចព្រំដែន ការកែច្នៃអាហារ និងការអប់រំកុមារ។

ឯកឧត្តមបណ្ឌិត បានកំណត់របៀបរបបធ្វើការងារឱ្យមានប្រសិទ្ធភាព និងអាចរួមចំណែកដល់ស្ថិរភាពនយោបាយ កំណើនសេដ្ឋកិច្ច និងវឌ្ឍនភាពសង្គម។ ឯកឧត្តមបណ្ឌិត ក៏បានលើកទឹកចិត្តឱ្យមានកិច្ចសហការជាមួយដៃគូឬបណ្តាញទំនាក់ទំនង ដើម្បីបង្កើតឬជំរុញការផលិត និងផ្សព្វផ្សាយផលិតផលខ្មែរឱ្យកាន់តែច្រើន ដែលអាចឈានដល់ការជំនួសផលិតផលនាំចូលមួយចំនួន។

កិច្ចប្រជុំប្រព្រឹត្តទៅនាថ្ងៃទី២៥ ខែសីហា ឆ្នាំ២០២៥ វេលាម៉ោង ១៤:៣០នាទីរសៀល នៅសាលប្រជុំពិសេស៣ វិមានព្រឹទ្ធសភា។

ខ្លឹមសារ៖ ខុទ្ទកាល័យអនុប្រធានទី២ព្រឹទ្ធសភា
រូបភាព៖ នាយកដ្ឋានព័ត៌មាន