ឯកឧត្តម យស ផានីត្តា ដឹកនាំកិច្ចប្រជុំត្រៀមចូលរួមគណៈកម្មាធិការអចិន្រ្តៃយ៍ទទួលបន្ទុកកិច្ចការសេដ្ឋកិច្ច និងការអភិវឌ្ឍប្រកបដោយចីរភាព នៃសភាតំបន់អាស៊ី(APA)
នារសៀលថ្ងៃទី៥ ខែកញ្ញា ឆ្នាំ២០២៥ នៅបន្ទប់ប្រជុំគណៈកម្មការទី២ព្រឹទ្ធសភា ឯកឧត្តម យស ផានីត្តា ប្រធានគណៈកម្មការទី២ព្រឹទ្ធសភា បានដឹកនាំកិច្ចប្រជុំ ដើម្បីត្រៀមលក្ខណៈចូលរួមកិច្ចប្រជុំគណៈកម្មាធិការអចិន្រ្តៃយ៍ទទួលបន្ទុកកិច្ចការសេដ្ឋកិច្ច និងការអភិវឌ្ឍប្រកបដោយចីរភាព នៃសភាតំបន់អាស៊ី (APA) ដោយមានការចូលរួមពី ឯកឧត្តម ជាម ប៉េអា សមាជិកគណៈកម្មការទី២រដ្ឋសភា និងក្រុមជំនួយការ ដែលត្រូវចូលរួមអមគណៈប្រតិភូ ចូលរួមកិច្ចប្រជុំគណៈកម្មាធិការខាងលើ។
កិច្ចប្រជុំបានពិភាក្សាអំពីកិច្ចការនានាដែលត្រូវត្រៀមលក្ខណៈចូលរួម រួមមានបែបបទ និងខ្លឹមសារឯកសារ នៃបទអន្តរាគមន៍ ដែលគណៈប្រតិភូត្រូវថ្លែង និងចូលរួមក្នុងអំឡុងពេលកិច្ចប្រជុំខាងលើ នៅប្រទេសប៉ារ៉ែន នៅថ្ងៃ១៤-១៥ ខែកញ្ញា ឆ្នាំ២០២៥។
ប្រភព៖ នាយកដ្ឋានទំនាក់ទំនងអន្តរជាតិ
