នាព្រឹកថ្ងៃទី៩ ខែកញ្ញា ឆ្នាំ២០២៥ សមាជិកព្រឹទ្ធសភារួមមាន ឯកឧត្តម អាយ ខន អនុប្រធានគណៈកម្មការទី៦ព្រឹទ្ធសភា លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ព្រឹទ្ធសភា និងលោកជំទាវ ម៉ាណ ណាវី សមាជិកាព្រឹទ្ធសភា បានអញ្ជើញចូលរួមកិច្ចប្រជុំត្រៀមមហាសន្និបាតអាយប៉ាលើកទី៤៦ ដឹកនាំដោយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា និងជាប្រធានដឹកនាំគណៈប្រតិភូ។
នៅក្នុងកិច្ចប្រជុំត្រៀមខាងលើ តំណាងគណៈកម្មាធិការ និងក្រុមការងារជំនាញទទួលបន្ទុកកិច្ចការនីមួយៗ បានរាយការណ៍អំពីវឌ្ឍនភាព និងការត្រៀមលក្ខណៈជារួមទាំងបែបបទ ឯកសារ និងពិធីការ ដើម្បីឱ្យមហាសន្និបាតខាងលើ ប្រព្រឹត្តទៅដោយរលូន និងផ្លែផ្កាជូនប្រទេសជាតិ៕
ប្រភព៖ នាយកដ្ឋានទំនាក់ទំនងអន្តរជាតិ
