នាថ្ងៃទី១៣ ខែកញ្ញា ឆ្នាំ២០២៥ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ ព្រឹទ្ធសភា និងឯកឧត្តមបណ្ឌិត ម៉ា ឈឿន តំណាងរាស្ត្រមណ្ឌលកំពង់ចាម ព្រមទាំងក្រុមគ្រួសារ បានអញ្ជេីញប្រគេនទេយ្យទាន បច្ច័យ និងសូត្រមន្តកាន់បិណ្ឌទី៧ នៅស្រុកកំណេីតលោកជំទាវបណ្ឌិត ស្ថិតក្នុងភូមិជ្រៃយោង ឃុំអង្គតាសោម ស្រុកត្រាំកក់ ខេត្តតាកែវ។
ទេយ្យទាន និងបច្ច័យនាពេលនោះ បានប្រគេនជូនវត្តចំនួន៤ រួមមាន វត្តអង្គតាសោម វត្តអង្គខ្ជាយ វត្តត្រពាំងត្រគៀត និងវត្តដំរីរមៀត ដោយក្នុងវត្តនីមួយៗទទួលបាននូវ៖ បច្ច័យកសាងចំនួន ៤.៥៥០.០០០រៀល បច្ច័យសម្រាប់ចៅអធិការ ៦៩០.០០០រៀល និងបច្ច័យ ៥០០ដុល្លារបន្ថែមទៀត (សម្រាប់បុណ្យកឋិនទាន នាពេលខាងមុខ) ស្លាដក់១ អង្ករ៥បេ មី៥កេស ត្រីខ១កេសធំ ត្រីខតូច ៥យួរ ស្ទីង ១កេស កូកាកូឡា៤យួរ ទឹកបរិសុទ្ធ៤កេស ស្ករស១ធុងធំ សាប៊ូ១កញ្ចប់ធំ កាហ្វេ២កញ្ចប់ធំ សាច់ក្រក និងសាច់ជ្រូកមួយកន្រ្តក ទឹកស៊ីអ៊ីវ ២យួរ ខ្លាញ់១ប៊ីដុង ខ្ទឹម១ថង់ និងស្ករលាយទាំងដោះគោ១ថងធំ។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
