ឯកឧត្តម អ៊ុំ សារឹទ្ធ ចុះជួបសំណេះសំណាល និងនាំយកអំណោយជូនអាជ្ញាធរសង្កាត់ទុកចែកពលរដ្ឋងាយរងគ្រោះ ក្នុងខណ្ឌជ្រោយចង្វារ
នាព្រឹកថ្ងៃសៅរ៍ ទី២០ ខែកុម្ភៈ ឆ្នាំ២០២១ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកអំណោយប្រគល់ជូនអាជ្ញាធរសង្កាត់ព្រែកលៀប សង្កាត់ព្រែកតាសេក និងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
សង្កាត់នីមួយៗ ទទួលបានថវិកាចំនួន០៤ លានរៀល អង្ករចំនួន១០០បាវ និងទឹកត្រីចំនួន១៧យួរ ទឹកស៊ីអ៉ីវចំនួន១៧ យួរ និងប្រេងឆា១០០ដប ដើម្បីទុកសម្រាប់ចែកជូនប្រជាពលរដ្ឋដែលមានជីវភាពខ្វះខាត និងប្រជាពលរដ្ឋងាយរងគ្រោះ។
