នាព្រឹកថ្ងៃទី១៨ ខែកញ្ញា ឆ្នាំ២០២៥ ឯកឧត្តម ងី ច័ន្ទ្រផល ប្រធានគណៈកម្មការទី១ព្រឹទ្ធសភា និងលោកជំទាវ រួមជាមួយ ឯកឧត្តម ជឹម លាវ លេខាធិការគណៈកម្មការទី១ព្រឹទ្ធសភា និងលោកជំទាវ ព្រមទាំងក្រុមគ្រួសារ មន្រ្តីជំនួយការគណៈកម្មការ អមដំណើរដោយលោកអនុប្រធានមន្ទីរធម្មការ និងសាសនា ខេត្តកំពត បានអញ្ជើញទៅចូលរួមកាន់បិណ្ឌវេនទី១១ នៅវត្តប្រជុំគ្រៀល ស្រុកទឹកឈូ ខេត្តកំពត ជាមួយប្រជាពលរដ្ឋចំណុះជើងវត្ត និងបានប្រគេនទេយ្យទានដល់ព្រះសង្ឃ និងគ្រឿងបរិក្ខាដូចមានដូចជា៖ ស្លាដក អង្ករ មី ទឹកត្រី ទឹកស៊ីអ៊ីវ ទឹកបរិសុទ្ធ និងសម្ភារៈ មួយចំនួនទៀត។
នៅក្នុងឱកាសពិធីកាន់បិណ្ឌនោះដែរ ឯកឧត្តមប្រធាន ក៏បានរាប់បាត្រ បង្សុកូលឧទ្ទិសកុសលផលបុណ្យ ជូនដល់ដួងវិញ្ញាណក្ខន្ធ ជីដូនជីតា ញាតកាទាំង៧សន្តាន បុព្វការីជន និងវីរកងទ័ពដ៏អង់អាចក្លាហានដែលបានពលីជីវិតក្នុងបុព្វហេតុការពារអធិបតេយ្យ និងបូរណភាពទឹកដី នៃព្រះរាជាណាចក្រកម្ពុជា នៅអំឡុងពេលនៃជម្លោះព្រំដែនកម្ពុជា-ថៃ បានទៅកាន់ទីសោយសុខឋានបរមសុខ ក្នុងឋានសុគតិភពកុំបីខានឡើយ។

ប្រភព​៖​ ការិយាល័យ​ជំនួយ​ការ​គណៈកម្មការ​ទី១ព្រឹទ្ធសភា