នាព្រឹកថ្ងៃទី៤ ខែតុលា ឆ្នាំ២០២៥ ឯកឧត្តម ឈីវ យីស៊ាង នាយកខុទ្ទកាល័យសម្តេចតេជោ ប្រធានព្រឹទ្ធសភា បានដឹកនាំប្រតិភូខុទ្ទកាល័យសម្តេចតេជោ ប្រធានព្រឹទ្ធសភា អញ្ជើញចូលរួមសម្ពោធពិព័រណ៍មិនអចិន្រ្តៃយ៍ «ការលេចត្រដែតឡើងវិញ៖ ការបាត់បង់ និងការរកឃើញឡើងវិញនូវគំនូរក្នុងវិហារព្រះកែវមរកតនៃព្រះបរមរាជវាំង» នៅសារមន្ទីរសេដ្ឋកិច្ច និងរូបិយវត្ថុ ព្រះស្រីឥឦសានវរ្ម័ន។

វិហារព្រះកែវមរកត ជាទីដ៏សំខាន់ក្នុងព្រះបរមរាជវាំង និងមានលក្ខណខុសពីវិហារដទៃ ដោយផ្ទៃជញ្ជាំងនៃព្រះវិហារ ពីដើមមកមានគំនូរដ៏វិចិត្រអំពីរឿងជាតក។ បន្ទាប់ពីជញ្ជាំងចាស់ត្រូវបានជួសជុល និងគូរឡើងវិញ នៅឆ្នាំ១៩៦២ គំនូរទាំងនោះក៏ត្រូវបានបាត់បង់ខ្លះ។
បន្ទាប់ពីសង្រ្គាម ព្រះអង្គម្ចាស់ក្សត្រីយ៍ នរោត្តម ម៉ារី បានរកឃើញដោយចៃដន្យនូវហ្វីលកញ្ចក់ ២០ផ្ទាំង ដែលជាគំនូរក្នុងព្រះវិហារព្រះកែវមរកត ដែលបានបាត់បង់ទៅជាយូរមកហើយនោះ និងបានដាក់បង្ហាញនាពេលនេះ ជាលើកដំបូង។

ប្រភព៖ ខុទ្ទកាល័យសម្តេចតេជោ ប្រធានព្រឹទ្ធសភា