ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានលើកឡើងថា កម្ពុជាមិនប្រែប្រួល គឺនៅតែបន្តថែរក្សាមិត្តចាស់ និងបង្កើតមិត្តថ្មី ដោយមិនយកប្រទេសណាមួយជាសត្រូវឡើយ នៅក្នុងកិច្ចប្រជុំប្រចាំខែតុលារបស់ខុទ្ទកាល័យ នារសៀលថ្ងៃទី២៧ ខែតុលា ឆ្នាំ២០២៥ នៅសាលប្រជុំពិសេស៣ វិមានព្រឹទ្ធសភា។ឯកឧត្តមបណ្ឌិត បានលើកឡើងពីការចុះហត្ថលេខាលើសេចក្តីថ្លែងការណ៍រួមសន្តិភាពរវាងកម្ពុជា-ថៃ ក្រោមសក្ខីភាព ឯកឧត្តម ដូណាល់ ត្រាំ ប្រធានាធិបតីអាម៉េរិក និងលោក អាន់វ៉ា នាយករដ្ឋមន្រ្តីម៉ាឡេស៊ី ដែលជាកិច្ចព្រមព្រៀងសន្តិភាព លើកដំបូងជាប្រវត្តិសាស្រ្តសម្រាប់ជម្លោះព្រំដែនកម្ពុជា-ថៃ។ឯកឧត្តមបណ្ឌិត ក៏បានរំលឹកផងដែរថា ទោះបីជាស្ថានភាពប្រែប្រួលយ៉ាងណាទៅថ្ងៃអនាគត សមាជិកខុទ្ទកាល័យ ត្រូវតែបន្តជំរុញសកម្មភាពគាំទ្រផលិតផលខ្មែរ និងផលិតកម្មក្នុងស្រុកតាមរយៈ ការសហការ ការពន្យល់លើកទឹកចិត្តបងប្អូន មិត្តភក្តិ និងជាពិសេសយុវជន និងសិស្សនិស្សិតតាមសាលារៀន និង សាកលវិទ្យាល័យនានា។កិច្ចប្រជុំបានកំណត់ទិសដៅការងារសម្រាប់ខែបន្តបន្ទាប់ទៀត និងជាពិសេសសម្រាប់ឆ្នាំ២០២៦ ដូចជា៖១. ជំរុញឱ្យបន្តសិក្សាស្រាវជ្រាវគោលនយោបាយ ដែលអាចជួយដោះស្រាយបញ្ហាសេដ្ឋកិច្ច និងសង្គមដើម្បីជាឧត្ដមប្រយោជន៍របស់ប្រជាជន។២. គំនិតផ្តួចផ្តើម ជំរុញសកម្មភាពពាក់ព័ន្ធទៅនឹង សុខភាព សមត្ថភាព និងជីវភាពប្រជាជន។
ខ្លឹមសារ៖ ខុទ្ទកាល័យឯកឧត្តមអនុប្រធានទី២ព្រឹទ្ធសភារូបភាព៖ នាយកដ្ឋានព័ត៌មាន
