ឯកឧត្តមបណ្ឌិត ម៉ុង ឫទ្ធី ដឹកនាំសមាជិក សមាជិកាគណៈកម្មការទី៣ព្រឹទ្ធសភា និងក្រុមសមាជិកព្រឹទ្ធសភាប្រចាំភូមិភាគទី៧ អញ្ជើញពិនិត្យស្រះទឹកក្រាំងលាវ និងសាលាដំណាក់ នៅឃុំរវៀង ស្រុកសំរោង ខេត្តតាកែវ
ដោយពិនិត្យឃើញស្ថានភាពសាលាដំណាក់ក្មេងវត្តមានសភាពចាស់ទ្រុឌទ្រោម និងឆ្លើយតបទៅនឹងសំណូមពររបស់គណៈកម្មាធិការ អាចារ្យវត្ត ប្រជាពលរដ្ឋ និងរដ្ឋបាលឃុំរវៀង នៅវេលាម៉ោង៨:៣០នាទីព្រឹក ថ្ងៃអង្គារ ទី២៧ ខែតុលា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញដឹកនាំសមាជិក សមាជិកាគណៈកម្មការទី៣ព្រឹទ្ធសភា និងក្រុមសមាជិកព្រឹទ្ធសភាប្រចាំភូមិភាគទី៧ ជួបសំណេះសំណាលជាមួយក្រុមប្រឹក្សាឃុំ និងតំណាងប្រជាពលរដ្ឋនៅក្នុងឃុំរវៀង ព្រមទាំងពិនិត្យស្រះទឹកក្រាំងលាវ និងសាលាដំណាក់ដែលបានជួសជុលរួច។
សាលាដំណាក់នេះ ជាកន្លែងសម្រាកបណ្តោះអាសន្នរបស់អ្នកដំណើរឆ្លងកាត់ និងជាកន្លែងទីជួបជុំរបស់ប្រជាពលរដ្ឋក្នុងភូមិ មានទីតាំងតាមបណ្តោយផ្លូវជាតិលេខ២ ចន្លោះបង្គោលគីឡូម៉ែត្រលេខ៤៩-៥០ ភ្នំពេញ-តាកែវ ស្ថិតនៅក្នុងមូលដ្ឋានភូមិថ្មី ឃុំរវៀង ស្រុកសំរោង ខេត្តតាកែវ មានទំហំ១១មx៨ម ដែលឯកឧត្តមបណ្ឌិត ម៉ុង ឫទ្ធី និងលោកជំទាវ បានចំណាយថវិកាផ្ទាល់ខ្លួនកសាងនៅក្នុងឆ្នាំ១៩៩៧ មានរយៈពេល២៨ឆ្នាំមកហើយ។
នាឱកាសនោះ ឯកឧត្តមបណ្ឌិត បានចែកផ្លែទន្លាប់ចំនួន៣៩០ផ្លែ ជូនដល់អាជ្ញាធរមូលដ្ឋាន និងប្រជាជនដែលបានអញ្ជើញមកចូលរួមផងដែរ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
