នារសៀលថ្ងៃទី២៩ ខែតុលា ឆ្នាំ ២០២៥លោកជំទាវ ឃួន ឃុនឌី លេខាធិការគណ:កម្មការទី៨ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញអុជធូប គោរពវិញ្ញាណក្ខន្ធសពលោកតា ប៊ន រេន ឪពុកបង្កើតលោកជំទាវ ប៊ន សុភី អភិបាលរងខេត្តកំពង់ឆ្នាំង ដែលបានទទួលមរណភាពកាលពីថ្ងៃទី២៦ ខែតុលា ឆ្នាំ២០២៥ វេលាម៉ោង ១១:២៧នាទីរំលងអធ្រាត្រ ក្នុងជន្មាយុ៨៩ឆ្នាំ ដោយរោគាពាធ។ក្នុងឱកាសនោះ លោកជំទាវសូមសម្តែងនូវការចូលរួមរំលែកទុក្ខដ៏ក្រៀមក្រំនេះ ជាមួយគ្រួសារសព ចំពោះការបាត់បង់ឪពុកបង្កើត ឪពុកក្មេក និងជីតា ជាទីគោរពស្រលាញ់ពោរពេញទៅដោយព្រហ្មវិហារធម៌ដ៏ល្អប្រពៃ និងសូមឧទ្ទិសដល់វិញ្ញាណក្ខន្ធលោកតា ប៊ន រេន បានទៅកាន់សុគតិភពកុំបីឃ្លៀងឃ្លាតឡើយ ។សពតម្កល់ធ្វើបុណ្យនៅគេហដ្ឋាន ស្ថិតនៅភូមិកោះកណ្តុរ ឃុំឆ្លូង ស្រុកឆ្លូង ខេត្តក្រចេះ៕
ប្រភព៖ ជំនួយការលោកជំទាវ ឃួន ឃុនឌី
