នាព្រឹកថ្ងៃសុក្រ ទី១៤ ខែវិច្ឆិកា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញដឹកនាំក្រុមការងារបច្ចេកទេសកសិកម្ម មកពិនិត្យកសិដ្ឋានចិញ្ចឹមត្រីមួយកន្លែងស្ថិតនៅភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ ដែលបានចិញ្ចឹមត្រីដូចជាត្រីទីឡាបយ៉ាក្រហម ត្រីពោ ត្រីប្រា ត្រីរ៉ស់ ជាដើម ក្នុងគោលបំណងសំដៅរួមចំណែកកាត់បន្ថយការនាំចូលត្រីពីបរទេស។ ការសាកល្បងចិញ្ចឹមត្រីជាជំហានៗនេះ គិតមកដល់បច្ចុប្បន្នបានជាងមួយលានក្បាល ដោយប្រើប្រាស់ចំណីផលិតដោយរោងចក្រផលិតចំណីសត្វរបស់ក្រុមហ៊ុន ម៉ុង ឫទ្ធី គ្រុប។ ឯកឧត្តមបណ្ឌិត បានបញ្ជាក់ថា សកម្មភាពទាំងអស់នេះ គ្រាន់តែជាការបង្ហាត់បង្រៀនដល់បុគ្គលិក កម្មករ សិស្ស និស្សិត ឱ្យមានចំណេះដឹងផ្នែកចិញ្ចឹមត្រីនេះតែប៉ុណ្ណោះ។

ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា