លោកជំទាវ ថាក់ ឡានី ឯកឧត្តម សាយ បូរិន និងឯកឧត្តម អ៊ឹង លាងហ៊ួ អញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំចំនួន៣ នៅខេត្តកំពង់ឆ្នាំង
នាព្រឹកថ្ងៃអាទិត្យ ទី១៦ ខែវិច្ឆិកា ឆ្នាំ២០២៥ លោកជំទាវ ថាក់ ឡានី ឯកឧត្តម សាយ បូរិន និងឯកឧត្តម អ៊ឹង លាងហ៊ួ សមាជិកក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំកំពង់ត្រឡាច ឃុំអំពិលទឹក ឃុំច្រេស នៃស្រុកកំពង់ត្រឡាច ខេត្តកំពង់ឆ្នាំង ដោយមានការអញ្ជើញចូលរួមពីតំណាងក្រុមប្រឹក្សាស្រុក និងតំណាងអភិបាលស្រុក ស្ថិតនៅសាលាឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង។
ឆ្លៀតក្នុងឱកាសនោះ លោកជំទាវ និងឯកឧត្តម បានឧបត្ថម្ភថវិកាមួយចំនួនជូនក្រុមប្រឹក្សាឃុំទាំង៣ លោកគ្រូ អ្នកគ្រូ និងប៉ូលីសប្រចាំការផងដែរ។
ប្រភព៖ ការិយាល័យជំនួយការគណៈកម្មការទី៥ព្រឹទ្ធសភា
