នាវេលាម៉ោង៩ព្រឹក ថ្ងៃអង្គារ ទី១៨ ខែវិច្ឆិកា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងលោកជំទាវ បានអញ្ជើញមកសំណេះសំណាល សួរសុខទុក្ខប្រជាពលរដ្ឋដែលយកកូនមកសម្រាកព្យាបាលជំងឺ និងអញ្ជើញមកពិនិត្យក្រុមជាងជួសជុលឡើងវិញនូវបង់សម្រាប់ប្រជាជនមកអង្គុយរង់ចាំទទួលសេវាកម្មព្យាបាលនៅខាងមុខមន្ទីរពេទ្យគន្ធបុប្ផាចំនួន២០បង់។ សូមរំលឹកផងដែរ នៅក្នុងឆ្នាំ២០១៥ ដោយមានការឯកភាពដ៏ខ្ពង់ខ្ពស់ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឯកឧត្តមបណ្ឌិត ម៉ុង ឫទ្ធី រួមទាំងសប្បុរជនបានសាងសង់បង់អង្គុយរង់ចាំ និងបន្ទប់ទឹកស្រីមួយ ប្រុសមួយ ដោយបានគិតគូរទៅលើការថែទាំជួសជុល និងប្រាក់ខែអ្នកសំអាតអនាម័យអស់រយៈពេលជាង១០ឆ្នាំមកហើយ។
នាឱកាសសំណេះសំណាលនេះ មានសប្បុរជនជាច្រើនបានចូលរួមឧបត្ថម្ភផ្លែឈើជាច្រើនប្រភេទដូចជា៖ លោកស្រី ណុប ស្រីឡាង (ហាងចំការខ្មែរ)បានឧបត្ថម្ភផ្លែទន្ទាប់ចំនួន១០០កេសស្មើនឹង១,០០០គីឡូក្រាម, លោកស្រី ណាវី អ្នកផលិតបាយក្តាំងបានឧបត្ថម្ភបាយក្តាំងចំនួន១០០កញ្ចប់, លោក ហាក់ អ្នកបោះដុំផ្លែឈើបានឧបត្ថម្ភ ផ្លែទន្លាប់ចំនួន៥០កេស ស្មើនឹង៥០០គីឡូក្រាម, លោកស្រី គឹម ហ័រ បានឧបត្ថម្ភផ្លែស្ត្រូប៊ូរីចំនួន ៣០កេស ស្មើនឹង៣០០ប្រអប់ ផ្លែក្រូចចំនួន៣៥កេស ស្មើនឹង៣៥០គីឡូក្រាម សម្រាប់ជូនប្រជាជន បុគ្គលិក និងវេជ្ជបណ្ឌិតនៅក្នុងមន្ទីរពេទ្យផងដែរ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
