នៅក្នុងខែវិច្ឆិកា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងលោកជំទាវ បានឧបត្ថម្ភធុងដាក់ទឹកចំណុះ១,០០០លីត្រ ចំនួន៥៦ធុង តាមរយៈលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា ចែកជូនវីរៈយុទ្ធជនជួរមុខ សម្រាប់ដាក់ទឹកប្រើប្រាស់។ សូមរំលឹកផងដែរ កាលពីឆ្នាំ២០២៣ ឯកឧត្តមបណ្ឌិត បានឧបត្ថម្ភធុងទឹកនេះ ជូនទៅតាមលំនៅដ្ឋានប្រជាពលរដ្ឋក្រីក្រ ដែលរស់នៅក្នុងភូមិចារ្យ ព្រៃខ្ចាយ ភូមិតោល និងវត្តមហានាមស្លារម ឃុំរវៀង ស្រុកសំរោង ខេត្តតាកែវ សរុបចំនួន៨០ធុង។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
