នារសៀលថ្ងៃទី២៦ ខែវិច្ឆិកា ឆ្នាំ២០២៥ គណៈកម្មការទី២ព្រឹទ្ធសភា បានរៀបចំកិច្ចប្រជុំផ្សព្វផ្សាយផ្ទៃក្នុងលើការស្រាវជ្រាវអំពី ១-សេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២៤ និង២-សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦ ជូនគណៈកម្មការជំនាញនានារបស់ព្រឹទ្ធសភា។
កិច្ចប្រជុំផ្សព្វផ្សាយនាពេលនេះ ប្រព្រឹត្តទៅក្រោមការផ្តួចផ្តើមរបស់ គណៈកម្មការទី២ ព្រឹទ្ធសភា និងការជួយគាំទ្រពីអគ្គលេខាធិការដ្ឋានព្រឹទ្ធសភា ក្នុងគោលបំណង៖
១-ផ្សព្វផ្សាយអំពីការស្រាវជ្រាវនៃអគ្គនាយកដ្ឋានស្រាវជ្រាវនៃអគ្គលេខាដ្ឋានព្រឹទ្ធសភាលើសេចក្តីព្រាងច្បាប់ថវិកាទាំង២
២-ប្រមូលនូវយោបល់ និងសំណូមពរនានា ដើម្បីគណៈកម្មការទី២ ត្រៀមប្រជុំជាមួយតំណាងរាជរដ្ឋាភិបាលនាពេលខាងមុខ និងជំរុញការងារស្រាវជ្រាវ និងផ្សព្វផ្សាយផ្ទៃក្នុងជូនគណៈកម្មការ និងក្រុមពិភាក្សារបស់ព្រឹទ្ធសភា។
ខ្លឹមសារ៖ ជំនួយការគណៈកម្មការទី២ព្រឹទ្ធសភា
រូបភាព៖ នាយកដ្ឋានព័ត៌មាន
