នារសៀលថ្ងៃទី១៥ ខែធ្នូ ឆ្នាំ២០២៥ លោកជំទាវ មុំ សណ្តាប់ សមាជិកាក្រុមសមាជិកព្រឹទ្ធសភាប្រចាំភូមិភាគទី១ និងជាអនុប្រធានប្រតិបត្តិ នៃគណៈកម្មការសាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍រាជធានីភ្នំពេញ ដោយមានចូលរួមពីលោកជំទាវ លោកស្រី សមាជិកានៃគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍រាជធានីភ្នំពេញ និងលោកស្រីប្រធានក្រុមចលនាស្រ្ដីរាជធានី និងខណ្ឌទាំង១៤ ចូលរួមប្រគល់ថវិកាដែលបានពីការចូលរួមបរិច្ចាគពីបងប្អូននារី ជូនដល់សមាគមនារីកម្ពុជាដើម្បីសន្តិភាព និងអភិវឌ្ឍន៍ រួមមាន៖ ថវិកាចំនួន ៨,០០០,០០០៛ អង្ករ៤បេ ទឹកបរិសុទ្ធ២០កេស ទឹកត្រី២០យួរ និងទឹកស៊ីអ៊ីវ២០យួរ ដែលស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ប្រភព៖ ការិយាល័យជំនួយការគណៈកម្មការទី៦ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
