នាព្រឹកថ្ងៃទី៤ ខែមករា ឆ្នាំ២០២៦ ឯកឧត្តម យស ផានីត្តា ប្រធានគណៈកម្មការទី២ព្រឹទ្ធសភា ឯកឧត្តម មាស សុភា ឧត្តមប្រឹក្សាព្រះមហាក្សត្រ និងជាតំណាងរាស្រ្តមណ្ឌលខេត្តព្រះវិហារ លោកជំទាវ ឡោក ខេង ប្រធានគណៈកម្មការទី៨រដ្ឋសភា ព្រមទាំងសមាជិក សមាជិកា គណៈកម្មការទី៨ រដ្ឋសភា និងក្រុមសភាជាតិកម្ពុជា នៃអ្នកនយោបាយសភាស្ត្រី បានអញ្ជើញនាំយកអំណោយជាសម្ភារៈ គ្រឿងឧបភោគបរិភោគ និងថវិកា ប្រគល់ជូនរដ្ឋបាលខេត្តព្រះវិហារ ជនភៀសសឹក និងវីរកងទ័ពកម្ពុជា។
អំណោយទាំងនេះរួមមាន៖
១-សម្តេចរដ្ឋសភាធិបតី ឃួន សុដារី ប្រធានរដ្ឋសភា ជូនម៉ាស់ការពារផ្សែងពុលសម្រាប់វីរកងទ័ពកម្ពុជាចំនួន ២,០០០ម៉ាស់ (គិតជាទឹកប្រាក់ ២០,០០០ដុល្លារ) និងជូនថវិកាជនភៀសសឹកចំនួន ១០,០០០,០០០រៀល។
២-ក្រុមសភាជាតិអ្នកនយោបាយស្រ្តីជូនថវិកាវីរកងទ័ពកម្ពុជាចំនួន ៦,០០០,០០០រៀល ក្នុង ៣គោលដៅ (១គោលដៅថវិកា ២,០០០,០០០រៀល) និងជូនថវិកាជនភៀសសឹកចំនួន ៧,៥០០,០០០រៀល សរុបជាទឹកប្រាក់ទាំងអស់ ១៣,៥០០,០០០រៀល។
៣-គណៈកម្មការទី៨ រដ្ឋសភា ជូនថវិកា ៧,៥០០,០០០ រៀល។
៤-ឯកឧត្តម មាស សុភា ឧត្តមប្រឹក្សាព្រះមហាក្សត្រ និងជាតំណាងរាស្រ្តមណ្ឌលខេត្តព្រះវិហារ និងលោកជំទាវ ឡោក ខេង ប្រធានគណៈកម្មការទី៨ រដ្ឋសភា និងក្រុមសភាជាតិកម្ពុជា នៃអ្នកនយោបាយសភាស្ត្រី ព្រមទាំងក្រុមគ្រួសារ ជូនឃីដជនភៀសសឹកចំនួន ៥០០គ្រួសារ និងឃីដកូនក្មេង ៥០០កញ្ចប់ (គិតជាទឹកប្រាក់ ១៨,០០០ដុល្លារ) ។
៥-ឯកឧត្តម យស ផានីត្តា ប្រធានគណៈកម្មការទី២ ព្រឹទ្ធសភា ជូនម៉ាស់ការពារផ្សែងពុលសម្រាប់វីរកងទព័កម្ពុជាចំនួន ១,០០០ម៉ាស់ (គិតជាទឹកប្រាក់ ១០,០០០ដុល្លារ) និងថវិកា ៥,០០០,០០០រៀល។
ពិធីប្រគល់-ទទួលអំណោយនេះមានការអញ្ជើញចូលរួមពី ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ និងឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្តព្រះវិហារ ដែលប្រព្រឹត្តទៅនៅសាលាខេត្តព្រះវិហារ និងការចែកអំណោយជូនជនភៀសសឹកចំនួន ៥០០គ្រួសារ ធ្វើនៅវត្តគីឡូលេខ៨ ក្នុងខេត្តព្រះវិហារ។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
