សមាជិកគណៈកម្មការទី៥ព្រឹទ្ធសភា អញ្ជើញគោរពជូនពរឯកឧត្ដមបណ្ឌិត ឈីវ យីស៊ាង ប្រធានគណៈកម្មការទី៥ព្រឹទ្ធសភា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ
នាព្រឹកថ្ងៃសុក្រ ទី១០ ខែមេសា ឆ្នាំ២០២៦ នៅសាលប្រជុំគណៈកម្មការទី៥ ឯកឧត្តមសមាជិកគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) បានអញ្ជើញដឹកនាំក្រុមមន្ត្រីលេខាធិការដ្ឋានគណៈកម្មការទី៥ ជូនពរឯកឧត្ដមបណ្ឌិត ឈីវ យីស៊ាង ប្រធានគណៈកម្មការ និងជានាយកខុទ្ទកាល័យសម្តេចអគ្គមហាសេនាបតីតេជោ ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសនៃពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ពុទ្ធសករាជ ២៥៧០ គ្រិស្តសករាជ ២០២៦ ដែលនឹងឈានចូលមកដល់នាថ្ងៃទី១៤ ខែមេសា ឆ្នាំ២០២៦ ខាងមុខនេះ។
ឆ្លៀតក្នុងឱកាសដ៏ល្អប្រពៃនោះ ឯកឧត្តមបណ្ឌិតប្រធាន សូមថ្លែងអំរណគុណជូនឯកឧត្តមសមាជិកគណៈកម្មការទី៥ និងក្រុមមន្ត្រីលេខាធិការដ្ឋាន និងជូនពរត្រឡប់ទៅវិញ សូមសម្រេចរាល់បំណងប៉ងប្រាថ្នាទាំងអស់ក្នុងឆ្នាំថ្មី ទទួលបានជោគជ័យគ្រប់ភារៈកិច្ច ការធ្វើដំណើរទីជិត និងឆ្ងាយ ប្រកបដោយ សុខសុវត្ថិភាព និងសុខសប្បាយ ក្នុងអំឡុងពេលឈប់សម្រាក និងសូមទទួលបាននូវពុទ្ធពរទាំងប្រាំប្រការគឺ អាយុ វណ្ណៈ សុខៈ ពេលៈ និងបដិភាណ កុំបីឃ្លៀងឃ្លាតឡើយ៕
ប្រភព៖ ការិយាល័យជំនួយការគណៈកម្មការទី៥ព្រឹទ្ធសភា
