ស្ថិតនៅសាលប្រជុំសាលាស្រុកត្រពាំងប្រាសាទ ខេត្តឧត្តរមានជ័យ នៅព្រឹកថ្ងៃអង្គារ ទី២១ ខែមីនា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមប្រជុំ ដើម្បីពិនិត្យដោះស្រាយបញ្ហាទំនាស់ដីធ្លី ចំនួន៣កន្លែង គឺទី១-ដីនៅក្នុងឃុំផ្អាវ ទី២-ដីនៅឃុំអូរស្វាយ និងទី៣-ដីក្នុងតំបន់គូលេនព្រហ្មទេព ដែលរាជរដ្ឋាភិបាលបានសម្រេចកាត់ឱ្យមកស្រុកក្នុងពេលថ្មីៗនេះ ក្រោមអធិបតីភាពឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី ទទួលបន្ទុកពិសេស។ សមាសភាពចូលរួមពេលនោះមាន ក្រុមប្រឹក្សាខេត្ត ស្រុក អភិបាលរងខេត្ត អភិបាលស្រុក មេឃុំ ទាំង៦ឃុំ ចំណុះឱ្យស្រុក និងភាគីពាក់ពន្ធ័នឹងដីទំនាស់ផងដែរ សរុបចំនួន៥៧នាក់។