នៅព្រឹកថ្ងៃទី៨ ខែកុម្ភៈ ឆ្នាំ២០២៥ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ ព្រឹទ្ធសភា និងឯកឧត្តមបណ្ឌិត ម៉ា ឈឿន តំណាងរាស្រ្តមណ្ឌលកំពង់ចាម បានអញ្ជើញជាគណៈអធិបតីក្នុងពិធីសម្ពោធផ្លូវបេតុង ១ខ្សែប្រវែង ២៥១ម៉ែត្រ ទទឹង៥ម៉ែត្រ កម្ពស់០.១៥ម៉ែត្រ ស្ថិតក្នុងភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម ដោយចំណាយអស់ថវិកាចំនួន ២១,៧០០ដុល្លារ ដែលជាថវិកាផ្ទាល់របស់លោកជំទាវបណ្ឌិត និងឯកឧត្តមបណ្ឌិត ដើម្បីជួយសម្រួលក្នុងការធ្វេីដំណេីររបស់បងប្អូនប្រជាពលរដ្ឋក្នុងមូលដ្ឋានឱ្យកាន់តែមានភាពងាយស្រួល ប្រកបដោយសុវត្ថិភាពខ្ពស់។
ក្នុងឱកាសនោះ លោកជំទាវបណ្ឌិត និងឯកឧត្តមបណ្ឌិត បានឧបត្ថម្ភថវិកាជូន រដ្ឋបាលឃុំតាំងក្រាំង និងឃុំជាលា នូវថវិកាចំនួន ១,០០០,០០០រៀល ក្នុង១ឃុំ សមាជិក សមាជិកា និងប្រជាការពារ ក្នុង ១នាក់ៗ ថវិកាចំនួន ២០,០០០រៀល ដោយចំណាយអស់ថវិកាសរុបចំនួន ១៨,៨០០,០០០រៀល។
