រសៀលថ្ងៃទី៦ ខែមិថុនា ឆ្នាំ២០២៥ ឯកឧត្តម លី សារី សមាជិកគណៈកម្មការទី១ព្រឹទ្ធសភា និងសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមរំលែកមរណទុក្ខ និងគោរពវិញ្ញាណក្ខន្ធសពប្រជាពលរដ្ឋ ស្ថិតនៅភូមិស្រែ(ត្រពាំងស្មាច់) សង្កាត់ត្រើយកោះ ក្រុងកំពត ខេត្តកំពត។ ដោយមានការចូលរួមពីថ្នាក់ដឹកនាំខ្មែរអ៊ិស្លាម អ៊ីម៉ាំខេត្ត ក្រុង ស្រុក សមាជិកក្រុមប្រឹក្សាក្រុង ស្រុក អាជ្ញាធរសង្កាត់ គ្រូបង្រៀនខ្មែរអ៊ីស្លាម និងប្រជាពលរដ្ឋយ៉ាងច្រើនកុះករផងដែរ។ បន្ទាប់មក ឯកឧត្តម បន្តចុះជួបសំណេះសំណាល និងចែកសត្វគោរបស់សប្បុរសជន នៃប្រទេសម៉ាឡេស៊ី តាមរយៈសាខាសមាគមរាជសីហ៍ខេត្តកំពតចំនួន១៣ក្បាល គិតជាទឹកប្រាក់ចំនួន9100ដុល្លារ សម្រាប់ធ្វើគួរព្ហានចែកសាច់ជូនប្រជាពលរដ្ឋ ស្ថិតនៅភូមិកំពង់កេះ ឃុំត្រពាំងសង្កែ ស្រុកទឹកឈូ ខេត្តកំពត ដោយមានការចូលរួមពីសំណាក់អាជ្ញាធរឃុំផងដែរ។

ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥