នៅថ្ងៃសៅរ៍ ១៣រោច ខែមិគសិរ ឆ្នាំជូត ត្រីស័ក ព.ស ២៥៦៥ ត្រូវនឹងថ្ងៃទី០១ ខែមករា ឆ្នាំ២០២២ ឯកឧត្តម ជឹម លាវ សមាជិកគណៈកម្មការទី១ ព្រឹទ្ធសភា  និងជាសមាជិកព្រឹទ្ធសភាប្រចាំមណ្ឌលភូមិភាគទី២ និងលោកជំទាវ ស៊ី វណ្ណថា សមាជិកាគណៈកម្មការទី៩ ព្រឹទ្ធសភា និងជាសមាជិកាព្រឹទ្ធសភាប្រចាំមណ្ឌលភូមិភាគទី២ បានអញ្ជើញចុះមូលដ្ឋានឃុំត្រពាំងគរ ស្រុកជើងព្រៃ ខេត្តកំពង់ចាម ដើម្បីជួបប្រជុំឈ្វេងយល់ពីដំណើរការឆ្ពោះទៅការបោះឆ្នោតជ្រើសរើសក្រុមប្រឹក្សាឃុំ សង្កាត់នាពេលខាងមុខ សមាសភាពចូលរួមនៅពេលនោះមានក្រុមប្រឹក្សាឃុំ មេភូមិទាំង១០ក្នុងឃុំត្រពាំងគរ សរុបទាំងអស់៤២នាក់ និងបានជូនថវិកាដល់អ្នកដែលចូលរួមចំនួន ៣៣០,០០០ រៀល ព្រមទាំងបានឧបត្ថម្ភសំរាប់ដំណើរការសន្និបាតនៅថ្ងៃទី០៩ ខែមករា ឆ្នាំ២០២២នាពេលខាងមុខនេះ ចំនួន ១,៧០០,០០០រៀលផង ។