ព្រឹកថ្ងៃសៅរ៍ ទី៩ ខែកញ្ញា ឆ្នាំ ២០២៣ ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញជាអធិបតីក្នុងកិច្ចប្រជុំជាមួយក្រុមប្រឹក្សាឃុំ ស្មៀនឃុំ ជំនួយការស្មៀន លោកមេភូមិ សរុបចំនួន១៦រូប ស្ថិតនៅសាលាឃុំព្រៃគ្រី ដើម្បីឈ្វេង យល់ពីសភាពការណ៍ទូទៅរបស់ឃុំ និងផែនការបន្ត។ បន្ទាប់ពីបានស្ដាប់របាយការណ៍លោកស្រីមេឃុំរួចមក ឯកឧត្តម បានកោតសរសើរ និងវាយតម្លៃខ្ពស់ចំពោះ
ការខិតខំកន្លងមកក្នុងដំណើរដឹកនាំការបោះឆ្នោតជ្រើសតាំងតំ ណាងរាស្ត្រនីតិកាលទី៧ សម្រចបានជោគជ័យដ៏ត្រចះត្រចង់។ ការរក្សាបានសណ្ដាប់ធ្នាប់ សុខសុវត្ថិភាព ជីវភាពរស់នៅរបស់ប្រជាពលរដ្ឋកាន់តែធូរស្រាល តាមរយ:ការបង្កបង្កើនផលស្រែស្រូវបន្កើនរដូវ ព្រមទាំងបានសំណូមពរឲ្យយកចិត្តទុកដាក់អនុវត្តគោលនយោបាយភូមិ-ឃុំ មានសុវត្ថិភាព ដោយផ្ដើមចេញពីមនុស្សម្នាក់ៗឡើងទៅ ខិតខំដោះស្រាយទំនាស់ក្រៅប្រព័ន្ធតុលាការ ត្រៀមអនុវត្តផែនការចុះឈ្មោះបោះឆ្នោត ឆ្នាំ២០២៣ ដែល គ ជ ប បានណែនាំ ពិនិត្យសិក្សាអំពីតួ នាទី ក្រុមប្រឹក្សាឃុំ ភូមិ ដែលមានចែងក្នុងច្បាប់ ស្ដីពីការគ្រប់គ្រងរដ្ឋបាលឃុំ-សង្កាត់ ការរក្សាសាមគ្គីឯកភាពផ្ទៃក្នុង និងចុងក្រោយបានបង្ហាញជូនសង្ខេប ពីយុទ្ធសាស្ត្របញ្ចកោណ ដំណាក់ កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា។