ឯកឧត្តម ឡៅ ឆន បានអញ្ជើញទទួលកាន់បិណ្ឌវេណទី៥ នៅវត្តប្រាសាទឥន្រ្ទា ហៅវត្តគោកប៉ាទ្រី ស្ថិតនៅភូមិគ្រួស សង្កាត់សៀមរាប ក្រុងសៀមរាប ខេត្តសៀមរាប
នៅថ្ងៃអង្គារ៍ និងថ្ងៃពុធ ទី៣ និងទី៤ ខែតុលា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំបងប្អូនកូនចៅ បានអញ្ជើញទទួលកាន់បិណ្ឌវេណទី៥ នៅវត្តប្រាសាទឥន្រ្ទា ហៅវត្តគោកប៉ាទ្រី ស្ថិតនៅភូមិគ្រួស សង្កាត់សៀមរាប ក្រុងសៀមរាប ខេត្តសៀមរាប ដើម្បីប្រគេនចង្ហាន់ដល់ព្រះសង្ឃ ដែលបានគង់ចាំវស្សា អស់១ត្រីមាស តាមពុទ្ទានុញ្ញាត្ត និងយកទេយ្យវត្តុមាន អង្ករ ទឹកត្រី ទឹកស៊ីអ៊ីវ ស្កស អំបិល ម្សៅស៊ុប ទឹកសុទ្ធ និងថវិកាមួយចំនួន ប្រគេនដល់ព្រះសង្ឃទុកសម្រាប់ជួយឧបត្ថម្ភចង្ហាន់ប្រចាំថ្ងៃបន្ត និងម៉្យាងដើម្បីបង្សុកូលឧទ្ទិសកុសលផលបុណ្យនេះ ជូនដល់បុព្វការីជនមានជីដូនជីតា មាតាបិតា បងប្អូនញាតិមិត្ត និង អស់លោក លោកស្រី វិរជន វីរនារី ដែលបានពលីជីវិតក្នុងបុព្វហេតុការពារទឹកដី ការសន្តិភាពរបស់ប្រទេសកម្ពុជា សូមអស់លោកទាំងអស់បានទទួលគ្រប់ៗគ្នា ព្រមទាំងបានទៅកើតនៅឋានសុគតិភពកុំបីឃ្លៀងឃ្លាតឡើយ។
